حاولي ارجوك ردي علي

هذي قصيدة لواحد اتصل على حبيبته بالغلط بعد فراق كان بينهم وأتصلت عليه وسمع صوتها وفز قلبه



أعذريني بالخطأ دقيت آسف ..... كنت أبي عمي طلع رقمك بداله


أشتبه يالغاليه رقم الهواتف ..... عالعموم آسف أنا في أي حاله


وأعذريني لو يكون العذر هايف .... لو يبان الضعف واضح من خلاله


أدري أدري عندكم بالبيت كاشف ..... حاولي أرجوك ردي لي رساله


كنت جالس بس صرت اللحين واقف .... هزني صوتك وعذبني جماله


صدقيني أرتبكت وصرت خايف .... ماعرف يبدأ لساني في سؤاله


ماعرفت أجمع لك حروف السوالف ...... كل حرف طار من فمي لحاله


وفي النهايه لو غلطنا مايخالف ...... الغلط مرجوع في حكم العداله


ودي أخطي على طول وخالف ...... دام من يخطي تجي أنتي بــفاله

مأبي عمي ولا خالد ونايف ..... من سمع صوتك نسي عمه وخاله